პურის საცხობში პურის გამოცხობის  რეცეპტი და რეკომენდაციები

 ავიღოთ პურსაცხობის ყალიბი, ჩავასხათ მასში 2 პლასტმასის ჭიქა ნელთბილი  წყალი ისე რომ ბოლომდე სავსე ჭიქას(240 მლ-იანს)  1-2  სმ დააკლდეს სიმაღლეში(ანუ სულ 360 მლ), ჩავასხათ ნახევარი სუფრის კოვზი ზეთი, დავამატოთ პლასტმასის საზომის 1 პატარა კოვზი მარილი, 0.5 ან 1  პლასტმასის დიდი კოვზი შაქრის ფხვნილი, ჩავყაროთ 4 გადალესილი ჭიქა პირველი ხარისხის ფქვილი(ანუ სულ 600 გრამი), დავაყაროთ  3/4 ან 1 პატარა კოვზი  საფუარი ყურადღება მიაქციეთ, რომ საფუარს ეწეროს მყისიერი და არა აქტიური.  დავაყენოთ  3 საათიდან 4 საათამდე რომელიმე  რეჟიმზე  სრული დაბრაწვით. პურის ზომა ყველაზე დიდი.მიიღებთ ფანტასტიურად გემრიელ პურს. თუ გნებავთ ცეხვილი ან ჭვავის პურის გამოცხობა შეგიძლიათ ფქვილის საერთო მოცულობის 30-50% დაამატოთ ცეხვილი ან ჭვავის ფქვილი. თუ გინდათ შავი პურის მიღება დაამატეთ ჭვავის ალაო 1-2 ჩაის კოვზი.გემოვნებით შეიძლება დაამატოთ- რძის ფხვნილი, ძირა, ქინძის თესლი, სელის თესლი ან ფქვილი, ბრინჯის ფქვილი, შვრიის ფქვილი, დაჭყლეტილი ნიორი, კოჭა და სხვა. წყლის მაგივრად შეგიძლიათ გამოიყენოთ რძე ან ასკილის ნახარში. პურის წონა დაახლოვებით 1 კგ-ს  შეადგენს.

თუ გამოცხობის შემდეგ კიდევ გინდათ ახალი პურის გამოცხობა პურსაცხობი არ ჩაირთვება (დაგიწერთ HHH). ეს ნიშნავს რომ სპირალი კარგად არ არის გაგრილებული. ამიტომ ამოიღეთ ყალიბი და გააგრილეთ პურსაცხობი.

გაუფრთხილდით ყალიბს, არ იხმაროთ რკინის ნივთები პურის ამოსაღებად. თუ პური არ ამოდის მაშინ დააცადეთ 10-15 წუთი და ისე დაბერტყეთ ყალიბი პურის ამოსაღებად. გამოცხობის შემდეგ როდესაც პურს ამოიღებთ, ყალიბის გაგრილების შემდგომ მოხსენით საზელი დანა და ყალიბში ცოტა ხნით ჩააყენეთ წყალი რათა ამძრავის თავაკზე შემორჩენილი მიმწვარი ნარჩენები ადვილად მოსცილდეს.

ყალიბის და დანის გასარეცხად იხმარეთ ნაზი გასარეცხი საშუალებები ლითონის ბურბუშელის გარეშე. ყალიბი ამოატრიალეთ და ისე გააშრეთ ან გაამშრალეთ ძალიან ნაზი ტილოთი.

ნუ ახდით პურსაცხობს სახურავს გაფუებისა და გამოცხობის პროცესში.

თითქმის ყველა საცხობს აქვს თბილად შენახვის რეჟიმი (50-60 წუთი)- იმ შემთხვევისთვის, რომ თუ დაგავიწყდათ პურის ამოღება არ ჩაცომდეს. ამიტომ როდესაც გაიგებთ ცხობის დამთავრების სიგნალს ამ რეჟიმის გამოსართველად ღილაკს Start დააწექით რამოდენიმე წამის განმავლობაში სანამ არ გაიგებთ დაწრიპინებას და ტაბლოზე არ დაეწერება ცხობის პირველი რეჟიმი. პურსაცხობი მხოლოდ ამის შემდეგ ითიშება.

თუ ცხობის პროცესში დენი გამოირთო უმეტეს პურსაცხობებს აქვს რამოდენიმეწუთიანი მახსოვრობა, რომელიც უზრუნველყოფს დენის მოსვლის შემდეგ პროგრამის გაგრძელებას. თუ დენი მეტი ხნით გამოირთო( ტაბლოზე დაეწერება პირველი პროგრამა) და ჯერ არ დაწყებულა ცხობა გაუშვით მთლიანი ციკლით ცხობის შედარებით მოკლე პროგრამა და თუ ცხობა დაწყებულია მაშინ მხოლოდ ცხობის პროგრამა.

რეკომენდირებულია პურის საცხობად გამოიყენოთ პროგრესის ან ლა ფემელის 1-ლი ხარისხის ფქვილი. ზოგიერთი სახეობის ფქვილისგან პური არ გამოდის.